Manzisidor mutrikuarra eta Ruiz nagusitu dira Xisterako Noaingo txapelketan
Aitor Manzisidorrek Xistera Zirkuituko gazte mailako bere bigarren titulua irabazi du Jon Ruiz atzean duela, Noaingo Bidezarra frontoian. Bi set-era jokatu zuten kiniela, eta bietan nagusitu zitzaizkien Aaron eta Iparragirre mutrikuarrak osaturiko bikoteari. 30 minutuan amaitu zen partida.
Lehen set-ean azkar hartu zuten aurrea markagailuan Manzisidorrek eta Ruizek. Pilotariek, orohar, ez zuten arriskatu tantoa bukatzeko orduan, eta kantxan seguruako aritu zen bikoteak –urdinak– egin zituen lehen tantoak. 6-13ko markagailuagaz eskuratu zuten urdinek lehen set-a.
Gorriek gora egin zuten bigarrenaren hasieran; Aaronek asmatu egin zuen erramatearekin, eta egoera orekatuagoa egon zen. Manzisidorrek eta Ruizek, baina, erregulartasunari eutsi zioten. 8-7koarekin Aaronek sake falta egin zuen, eta jarraian, urdinek ihes egin zuten 9-13koa arte.
Xistera Zirkuituko Noaingo txapelketako bikote finalistak
