Aulestiko XI. Ermitarik Ermita mendi martxan izena emateko epea datorren astean amaitzen da
Martitzena (hilak 11) da izena emateko azken eguna. Horretarako, udaletxera joan edo deitu behar da: 946 279 006. 14 urtera artekoek 7 euro ordaindu behar dituzte, eta 14 urtetik gorakoek, berriz, 15 euro. Antolatzaileek zehaztu dutenez, ezin da txakurrik eroan martxara.
Hilaren 15ean (zapatua) egingo dute martxa. Ibilbide osoa egitera doazenak 08:00etan irtengo dira herriko plazatik. Ohitura legez, San Anton, Goierri, Urregarai, Malats, Zubero, Urriola, Murelaga, Garatxaga, Lekerika, eta Narea auzoetatik barrena 25 kilometroko ibilbidea burutuko dute, bospasei ordutan.
Bestalde, Ilunzarreraino 31 kilometroko ibilbide berezia ere prestatu dute (eguraldiaren arabera erabakiko dute egin ala ez).
Paraje ederretatik paseatzen duten bitartean 11 ermita bisitatuko dituzte ibiltariek. Hain zuzen ere, hauek dira igaroko dituzten ermitak: San Anton, Santutxu, Urregarai, Malats, Zubero, Urriola, Murelaga, Garatxaga, Lekerika, Narea eta Elizatxu.
10 kilometroko ibilaldia egingo dutenek, 10:30ean dute irteera-ordua, parkean. Horiek, Murelaga, Garatxaga, Lekerika eta Narea auzoetatik ibili ostean plazan amaituko dute martxa. Gehienek hiru bat ordutan egiten dute ibilbide laburra.
Betiko moduan, ibilbidean zehar bi hornidura gune egongo dira. Bata Urregaraiko zelaian ipiniko dute, eta bestea, Garatxagan (San Paulo).
Martxa amaitu eta dutxatu ostean, bi ibilaldietako herritarrak kopauan elkartuko dira, herriko plazan (partaideek eskumuturrekoa erakutsi behar dute). Guztiek martxaren kamiseta bana jasoko dute.
Bestalde, goizean goiz doazenek non gosaldu edukitzeko herriko tabernak zabalik egongo dira. Halaber, urtero moduan aparkalekuak zehaztuta egongo dira aurten ere.
Paraje ederretatik paseatzen duten bitartean 11 ermita bisitatuko dituzte ibiltariek. Hain zuzen ere, hauek dira igaroko dituzten ermitak: San Anton, Santutxu, Urregarai, Malats, Zubero, Urriola, Murelaga, Garatxaga, Lekerika, Narea eta Elizatxu.
10 kilometroko ibilaldia egingo dutenek, 10:30ean dute irteera-ordua, parkean. Horiek, Murelaga, Garatxaga, Lekerika eta Narea auzoetatik ibili ostean plazan amaituko dute martxa. Gehienek hiru bat ordutan egiten dute ibilbide laburra.
Betiko moduan, ibilbidean zehar bi hornidura gune egongo dira. Bata Urregaraiko zelaian ipiniko dute, eta bestea, Garatxagan (San Paulo).
Martxa amaitu eta dutxatu ostean, bi ibilaldietako herritarrak kopauan elkartuko dira, herriko plazan (partaideek eskumuturrekoa erakutsi behar dute). Guztiek martxaren kamiseta bana jasoko dute.
Bestalde, goizean goiz doazenek non gosaldu edukitzeko herriko tabernak zabalik egongo dira. Halaber, urtero moduan aparkalekuak zehaztuta egongo dira aurten ere. 
