Gaixotasun larriak dituzten presoak askatzeko eskatu dute milaka lagunek Donostian
Zapatuan [urriak 15] gaixotasun larriak eta sendaezinak dituzten euskal presoekin egiten ari direna salatu eta horiek askatzeko eskatu zuten milaka pertsonek Donostiako kaleetan zehar.
17:00etan abiatu zen mobilizazioa Donostiako Bulebarretik, Larriki gaixorik dauden euskal presoak etxera. Giza eskubideak. Konponbidea. Bakea leloa zeraman pankarta buruan. Atzetik, lehen ilaran, gaitz larriekin preso dituztenen senideak joan ziren, Sareren Salatzen dut dinamikako hatz erakusleak eskuan hartuta, eta ikur horietan presoen izenak zituztela: Ibon Iparragirre, Jagoba Codo, Txus Martin, Ibon Fernandez, Josetxo Arizkuren, Jose Ramon Lopez de Abetxuko, Gari Arruarte, Iñaki Etxeberria, Aitzol Gogorza eta Gorka Fraile.
Bidearen zati handi bat oihuka egin zuten manifestariek, Salatzen dut dinamikako ikurra eskuan zutela. 18:00ak pasatuta iritsi zen manifestazio burua amaierara, eta beste ordu erdi inguru behar izan zuten azkenekoek Bulebarreko errepidean sartzeko.
Martxaren amaieran Jose Luis Elkoro Bergarako alkate ohiak eta Nerea Alias aurkezleak hartu zuten berba. Era berean, “urgentziazko” egoera dela eta, inplikazio handiagoa eskatu zion Sarek jendarteari, eta herritarrei, erakundeei eta alderdi politikoei, dei egin zieten. “Entzun eta senti gaitzatela Madrilen eta Parisen. Jendarte honek ez du onartuko pertsonekin salerosian ibiltzea. Ez diegu onartuko gaitz larri eta sendaezinak dituzten hamar euskal presoen bizitzekin jolas daitezen”.
Testua: Berria
Manifestazioa Donostiako bulebarretik irtetzen. Argazkia: Sare
IMG-20161017-WA0021
IMG-20161017-WA0022
IMG-20161017-WA0020
IMG-20161017-WA0019
IMG-20161017-WA0018
IMG-20161017-WA0017
IMG-20161017-WA0016
IMG-20161017-WA0015
IMG-20161017-WA0014
IMG-20161017-WA0013
IMG-20161017-WA0012
IMG-20161017-WA0009
IMG-20161017-WA0008
IMG-20161017-WA0011
IMG-20161017-WA0010
IMG-20161017-WA0007
IMG-20161017-WA0005
IMG-20161017-WA0003
IMG-20161017-WA0006
IMG-20161017-WA0004
IMG-20161017-WA0002
