Iturriko uraren kalitatea ona dela ziurtatu du Ondarroako Udalak
Ondarroako Udalak jakitera eman duenez, iturriko uraren kalitatea ona dela baieztatu dute, azken hilabeteetan egin diren analisiek.
Hainbat herritarrek edateko uraren zaporearen inguruan kezkak agertu dituztela kontuan hartuta, analisiak begiratzea erabaki dutela nabarmendu dute udal ordezkariek. “Iturriko uraren kalitateaz kezkatuta agertu dira herritar batzuk, eta udalak kezka hori ikusita, azken hilabeteotako analisik begiratu ditu. Analisiek uraren kalitatea ona dela ziurtatu dute”.
