Abisu horia ezarri dute, elurragatik eta olatu handiengatik
Euskalmet euskal meteorologia agentziak jakitera eman duenez, abisu horia barikutik zapatura [urtarrilak 13-14] ezarri dute. Alde batetik, bariku osoan elur mailak nabarmen behera egingo du (1.000 metrotik 600-700 metrora jaitsiko da). Zapatuan, ostera, elur maila 400-500 metrora arte jaitsiko da.
Bestalde, kostaldean olatu handien arriskua dagoela azaldu dute. “Ipar-mendebaleko hondoko itsasoa egongo da, eta bai barikuan eta baita zapatuan ere, olatuak 4-5 metroko altuera edukiko dute”. Barikuan itsasgora 05:00etan eta 17:28ean izango da; zapatuan, 05:44ean eta 17:58ean.
Arrisku orduak. Olatuek gainez egiteko arriskua 04:00etatik 06:00etara eta 17:00etatik 19:00etara izango da barikuan [urtarrilak 13]; zapatuan [urtarrilak 14], aldiz, arriskua 05:00etatik 07:00etara izango da. Ordu tarte horietan, kostaldean kalteak gertatu ahal direla ohartarazi du Euskalmetek.
