Parte hartu Lilatoian HITZA taldearekin
HITZA Lilatoian izango da aurten ere, zortzigarren urtez jarraian. Zuk ere parte hartuko duzu? Etorri HITZA taldearekin! Gure elastikoa jasoko duzu opari gisa. 28. Lilatoia martxoaren 5an izango da, 10:00etan, eta lasterketa hasi aurretik, bat egingo dute Hitza Taldeko kideek, Bulebarrean; talde argazkia aterako dute.
Gero eta gehiago dira urtez urte Lilatoian HITZA taldearen izenean parte hartu dutenak, eta harreman polita sortu dute elkartzen direnen artean. Deialdia zabalik dago, parte hartu nahi duen edonorentzat. Interesa dutenek telefonoz deitu (943-46 72 36) edo posta elektronikoa idatzi ahal dute (lilatoia@hitza.eus); otsailaren 25era arte izena eman ahal da.
