Lea-Artibai eta Mutrikuko 32 piano jotzaile, Andoaingo sariak eskuetan dituztela
Joan den asteburuan [otsailak 4-5] XII. Andoaingo Piano Jaialdia ospatu zen, eta beste urte batez, jaialdi horretan parte hartu dute Lea-Artibai eta Mutrikuko piano jotzaileek.
Jaialdiak 200 piano jotzaile inguru bildu zituen. Musikari bakoitzak bere saioa eskaini zuen, eta gehienek bakarka parte hartu bazuten ere, batzuek binakako saioa eskaini zuten.
Urtero egin modura, parte hartzaile guztiak diploma eta domina eskuetan zituztela atera ziren jaialditik.
Berriatuko Tarine udal musika eskolako kideek jakitera eman dutenez, parte hartzaileak oso gustura egon ziren. Dena dela, euren saioa eskaintzerako momentuan urduri jarri ziren; Maria Arrate, Malez Egiluz eta Ekain Alvarez izan ziren Andoainen egon ziren Tarineko musikariak. “Sariz eta ilusinoz beteta etorri ziren etxera, eta datorren urtean ere juteko animoagaz daude”.
Andoaingo Piano Jaialdian parte hartu zuten Mutrikuko Udal Musika Eskolako ikasleak. Argazkia: MUME.
Berriatuko Tarine udal musika eskolako ikasleak, Eli Andrinua zuzendariagaz. Argazkia: Tarine.
Ondarroako Unanue udal musika eskolako piano jotzaileak, Eli Andrinuagaz. Argazkia: Unanue.
