Goitisolo eta Irazu izan dira azkarrenak Urdaibai Koparen lehen proban
123 korrikalarik amaitu dute lasterketa. Arrolape Mendi Klubeko kideak sailkatu dira gizonen eta emakumeen lehen postuetan. Hiru probetan 550 partaide egon dira guztiraJoanes Goitisolok eta Araitz Irazuk irabazi zuten domekan Urdaibai Koparen lehen pro...
123 korrikalarik amaitu dute lasterketa. Arrolape Mendi Klubeko kideak sailkatu dira gizonen eta emakumeen lehen postuetan. Hiru probetan 550 partaide egon dira guztira
Joanes Goitisolok eta Araitz Irazuk irabazi zuten domekan Urdaibai Koparen lehen proba, Ibarrurin. Goitisolok ordubete, 35 minutu eta 58 segundotan amaitu zuen 21 kilometroko lasterketa. Irazuk, berriz, 2 ordu, 12 minutu eta 10 segundoko denbora egin zuen.123 korrikalarik burutu zuten Ibarruriko lasterketa, eta Arrolape Mendi Klubeko kideak izan ziren nagusi gizonezkoen zein emakumezkoen podiumean.
Goitisolorengandik 28 segundora heldu zen helmugara Aitor Uriarte, eta Aritz Arruti hirugarren sailkatuak irabazleak baino 6 minutu eta 11 segundo gehiago behar izan zituen proba amaitzeko.
Emakumezkoetan ere lehia estua egon zen lehenengo bien artean. Irazurengandik 57 segundora helmugaratu zen Oihane Perez. Leire Monasterio hirugarrenak 2 ordu, 19 minutu eta 32 segundotan amaitu zuen lehia.
Euriari, basari eta haizeari aurre egin behar izan zieten domekan lasterketako zein mendi martxetako parte hartzaileek. Guztira, 550 bat pertsona batu ziren Ibarrurin, eta Saltsamendi Kultur Taldeko kideek esan dutenez, aste honetan jasoko dituzte argazki lehiaketako lanak. Ibilbidean ateratako argazkiak ibarrurikomendimartxa@gmail.com-era bidali behar dira.
Asteburu borobila
Urdaibai Koparen lehen probako lehen postuak ez dira izan asteburuan arrolapetarrek lortutako bakarrak. Azpeitiako IX. Zuzenien Igoera Bertikala irabazi zuen domekan Imanol Goñik, 32 minutu eta 44 segundoko denboragaz, eta Maria Zorroza izan zen azkarrena Salamancako Tres Valles CrossCountry-an. 20 kilometroko proba ordubete, 59 minutu eta 47 segundotan egin zuen.
Azpeitiakoan Arrolapeko Julen Aranguena kortezubitarrak, Ekaitz Lejarzegi ajangiztarrak, Eñaut Lertxundi ondarrutarrak, Unai Gorriño mendatarrak eta Arkaitz Ibarretxe bermeotarrak ere parte hartu zuten.
Bestalde, Meñakako Mendiñaka lasterketa lehiatu zuten Irantzu Onaindia eta Aitor Ayo arrolapetarrek. Onaindiak emakumezkoen podiumean hirugarren postua lortu zuen, eta Ayo laugarren sailkatu zen.
