Helmugak proiektuko kideek ur boteila solidarioak banatuko dituzte
Helmugak EuSport proiektuko kideek Mongolian ekarpen solidarioa egiteko indarrak batzen jarraitzen dute. Eta horren harira, Alzola Basque Water enpresagaz elkarlanean, Alzola ur boteila solidarioak banatuko dituzte bihar [apirilak 12] Eibar eta Abadiñoko Forum Sport denden aurrean; 10:30etik 14:30era eta 17:30etik 20:30era egongo dira boteilak banatzen. Helmugak proiektuko kideek eta Durangoko La Otra Mirada langutza elkarteko kideek borondatearen truke banatuko dituzte ur boteilak, eta hortik ateratzen duten dirua Mongolian egingo duten ekintza solidarioara bideratuko dute. “Uraren truke emante dutena Mongoliako haurren eskubideen alde erabiliko dugu”.
Baina ur boteila solidarioak banatzeaz gain, Forum Sport-ek oparitutako materiala zozkatzeko txartelak ere salduko dituzte. Material horretan, baita ere, Athleticek eta Eibarrek emandako eta jokalari guztiek sinatutako kamisetak ere badaude. Horiez gain, futbolean jokatzeko bota pare bi, motxilak eta bestelakoak daude. Azaldu dutenez, Forum Sport-ek 3.000 txartel atera ditu, eta txartel horiek hilaren 29ra arte eskuratu ahalko dira Eibar eta Abadiñoko Forum Sport dendetan. Zozketa apirilaren 29an egingo da.
HONEKIN LOTUTA:
HONEKIN LOTUTA:
