Mutrikuko bi tabernetan lapurretan egin dute
Zehatz esateko, Zubiaram eta Goitibehera tabernetan sartu dira lapurrak. Ertzaintzak jakitera eman duenez, Zubiaramen leihoko burdin hesia apurtuta sartu dira lapurrak barrura. Goitibeheran, aldiz, atea indarrez zabalduta sartu dira. Ertzaintzak jakitera eman duenez, bi tabernetako arduradunek oraindik ez dute salaketa jarri.
Lapurtu dutenari dagokionez, Zubiaramen tabako makinako, txanpon makinako eta kutxako dirua lapurtu dute; Goitibeheratik kutxako eta txanpon makinako dirua eraman dute.
Ertzaintzak HITZAri jakin eragin dionez, lapurreta ikertzen ari dira eta momentuz ez dute inor atxilotu.
Zubiaramera leihoko hesia apurtuta sartu dira lapurrak. Argazkia: Zubiaram (Facebook).
