Ipuinak sortzeko jolasa egingo da bihar arratsaldean Berriatuan
II. Ipuin eta marrazki lehiaketako lanak aurkezteko epea maiatzaren 21ean amaitzen da. Eta lehiaketara lanak aurkeztu nahi dituzten herritarrek horiek prestatzeko aukera edukitzeko jolasa egiteko ekintza antolatu du Berriatuko Udalak. Ane Orbeak gidatuko du saioa, bihar [apirilak 27], 17:00etatik aurrera, liburutegian. Ekintza 7 urtetik gorako neska-mutilei zuzenduta dago.