Askotariko lanak egin dituzte Lekeitioko Usotegin
Lekitto Bedarrak antolatuta, zapatuan [apirilak 29] askotariko lanak egin zituzten herritarrek Usotegi parkean. Auzolanean, eskailerak konpondu, jeserlekuak prestatu, ortuan mantentze lanak egin eta konpostagailuak egokitu zituzten. “Zakari eta bere taldeak lorategiko lehen bi atalak amaituta utzi zituzten, eta ortuan aritu zirenak tomateak landatu eta aurretik ipinitakoak haizearen eragina saihesteko lotuta utzi zuten”, azaldu dute.
Gainera, zapatuan beste bi lagun berri gehitu zitzailea azaldu dute. “Lagun berri bik ere izena eman dute ortuko bankalak erabiltzeko, eta oraingoz, taldetik kanpo badira lau lagun ortua kudetzen dihardutenak”. Dena dela, oraindik beste hiru lagunentzako lekua dagoela esan dute. “Nahi dutenak edozein zapatutan hurreratu ahal dira Usotegira”.
Haizearen eragina saihesteko tomate landareak prestatzen.
Herritarrak, ortuan mantentze lanak egiten.
Jeserlekuak prestatzen.
