Santa Kurutz ermitako jaiak ospatuko dituzte Markina-Xemeinen
Maiatzaren bigarren zapatuan [maiatzak 6] , beste urte batez, Zelaiaren ertzean dagoen Elizatxiki edo Santa Kurutz ermitako ateak zabalik egongo dira. Santa Kurutz Eguna gaur [maiatzak 3] izan bada ere, zapatuan ospatzen dituzte urtero jaiak, Abesuan dagoen XVI. mendeko ermitan, eta aurten ere hala egingo dute.
12:30eko mezagaz hasiko dute ospakizuna, eta ondoren, 13:00ak aldera, dantza ikuskizuna eskainiko du Markina-Xemeingo Zerutxu dantza taldeak.
Eguraldia lagun izanez gero, Zelaia eta ermitaren artean gelditzen den zabalgunean dantzan egingo dute Zerutxu dantza taldekoek. Euria egingo balu, berriz, Zabalaneko etxeen aurreko plazan egingo dute dantzan.
Beti bezala, dantza ikuskizunaren ostean, mokadutxoak eskainiko dituztela jakitera eman dute Santa Kurutzeko jai batzordeko kideek. Jan-edana, gainera, Rakel Pujanaren trikitixa soinuagaz lagunduta egongo da.
Mus eta Briska txapelketak. Arratsaldean, karta jokoa izango da nagusi. 17:00etan hasita, mus eta briska txapelketak jokatuko dira Naroki kafetegian eta Ilunpe tabernan.
Parte-hartzea irekia izango da, eta bikoteko 20 euro ordaindu beharko dira. Lehen lau bikoterentzat sariak egongo dira.
MUS ETA BRISKAKO SARIAK
Zerutxuko dantzariak ermitaren kanpoan dantzan.
- Txapelak, izen ematearen %50 eta bodega bat bisitatzeko txartel bi.
- Garaikurrak eta izen ematearen %30.
- Izen ematearen %15.
- Izen ematearen %5.
