XVII. Hondartza-Bolei Txapelketa jokatzen hasiko dira Lekeition
Bizkaiko Eskolarteko I. Hondartza Boleibol Topaketa egingo da etzi [maiatzak 6], Isuntza hondartzan. Alebin, benjamin, kadete, gazte eta txikien mailetako jokalariek hartuko dute parte.
10:00etan hasiko dira norgehiagokak. Ordu horretan alebin mailako eta txikien mailako taldeak hasiko dira jokoan, 3×3 formatuan jokatuko dutelarik.
11:30ean, berriz, benjamin, kadete eta gazte mailakoak hasiko dituzte topaketak. Benjamin mailako jokalariek ere 3×3 formatuan jokatuko dute, kadete eta gazte mailetakoek, berriz, 2×2 formatuan ariko dira.
Sei proba. Eskolarteko XVII. hondartza-bolei txapelketa sei probaz osatua egongo da. Lehenengo proba bihar Lekeition lehiatuko dutena izango da, eta ekainaren 10a bitartean jokatuko dituzte beste txapelketa guztiak, zapatuero. Hurrengo proba denak Getxoko Ereaga hondartzan, eta Plentziako hondartzan jokatuko dira.
4-5 taldeko ligaxkak jokatuko dituzte maila guztietako parte hartzaileek.
