WC Komuns taldeak irabazi du Gisatu Txapelketa Lekeition

2017/05/20

XVII. Iparraldeko Haizeak jaia ari dira ospatzen Lekeition. Eta horren baitan, gaur [maiatzak 20], Gisatu Txapelketa ospetsua ospatu da. Guztira 18 taldek aurkeztu dute gisatua, eta horien guztien artean WC Komuns taldearenena izan da onena (32 puntu); bigarren eta hirugarren geratu dira Trabolak taldea eta Aittitta Makurra Txaranga II (31,5 eta 31 puntu), hurrenez hurren. Taldeek 13:30erako aurkeztu behar zituzten gisatuak, eta nahikoa puntualak izan dira. Dena dela, ordua ailegatu aurretik, Aittitta Makurra Txarangako kideak eta Iparraldeko musikariak kalez kale giroa alaitzen ibili dira. Eta beste behinere, gisatu txapelketako epaimahaiko kideetako bat izan da Jose Antonio Bastegieta Marko. Lekeitiora “gustura” joaten dela esan du.