X. Kinttopeko Idi Probak jokatuko dituzte Berriatuan
Bi saio egingo dituzte; barikuan (ekainak 2) eta astelehenean (ekainak 5) lehiatuko dituzte probak, 22:00etatik aurrera.
Lehen saioan Orioko Olidxen, Zallako Zortzona Anaiak eta Arroako Etxetxoren idiak ariko dira nor baino nor gehiago.
Astelehenean, berriz, hiru probalari hauen idien dema izango da: Berriatuako Usaisti, Muruetako Motxo eta Billelako Lopategi.
Sei parte hartzaileentzat sariak egongo dira. Idi proben irabazleak manta, txapela eta 1.100 euro jasoko ditu. Bigarren sailkatuak garaikurra eta 1.000 euro irabaziko ditu, eta hirugarrenak garaikurra eta 900 euro.
SARIAK:
- 1.100 euro, manta eta txapela.
- 1.000 euro eta garaikurra.
- 900 euro eta garaikurra.
- 800 euro.
- 700 euro.
- 600 euro.
