Lea-Artibaiko ohorezko odol emaileak eta emaile handiak saritu dituzte
Beste urte batez, DOSANBIZ-Bizkaiko odol emaileen elkarteak ohorezko emaileak eta emaile handiak saritu ditu, Lea-Artibaiko herritar batzuk tarteko. Odol emailearen mundu mailako eguna aprobetxatuta eman zituzten sariok eguaztenean [ekainak 14], Deustuko Unibertsitatean.
Guztira, Bizkaiko 43 ohorezko emaile (75/100 emandakoak) eta 246 emaile handi (40/50 bider odola eman dutenak) saritu eta omendu zituzten. Eta horiek guztiek diploma eta oparia jaso zituzten oroigarri gisa. Ohorezko emaileek, hain zuzen, Juan de la Rica artistak omenaldirako egindako Remangate margolanaren kopia bana jaso zuten opari.
Hala, omenaldi horren bitartez, odol emaileei esker ona adierazi zieten, “era solidarioan eta anonimoan egindako ekarpenari esker, gaixoak osasuna berreskuratzea, gehiago edo hobeto bizitzea zein bizitza salbatzea ahalbidetzen dutelako”. Odol emaileen ekarpena “ederra eta danon mesederakoa” dela adierazi du Odolkideak Gernikaldeko Odol emaileen elkarteak.
Honakoak izan dira Lea-Artibaiko omenduak:
OHOREZKO EMAILEAK:
Saria jasotzera joan ziren Gernikaldeako odol emaileak. Argazkia: Bonilla-Baskolor.
- Jose Luis de la Torre (Lekeitio)
- Hilario Murelaga (Lekeitio)
- Nekane Ibaibarriaga (Ondarroa)
- Rosario Gonzalez (Ondarroa)
- Reyes Arambarri (Markina-Xemein)
- Migel Angel Baskaran (Markina-Xemein)
- Xabier Larrañaga (Markina-Xemein)
- Jabier Aranguena (Aulesti)
