Ondarroako Itsasaurre plazako bi jarleku margotu dituzte, LGTBI eta Transgenero harrotasunaren koloreekin
Herritar batzuen ekimenez eta Ondarroako Udalaren laguntzagaz margotu dituzte bi eserlekuak, ekainaren 28an ospatu zen sexu aniztasunaren egunaren harira. Mundu guztiko beste hainbat lekutan aldarrikatu dute askatasun sexuala modu honetan, eta horrela egin zuten Ondarroan ere atzo [uztailak 4].
Eserleku batek LGTBI bandera edo ortzadarren bandera bezala ere ezagutua dena irudikatzen du. 70. hamarkadan sortu zuten bandera hori, kolektiboaren aniztasunaren erakusle. Beste eserlekuak berriz, transexualen bandera adierazten du. 1999an sortu zuten, eta kolore urdinak, arrosak eta zuriak osatzen dute. Kolore urdina, mutilekin lotu ohi da, arrosa neskekin, eta bien arteko kolore zuria intersexual jaio, bidean dauden edo genero neutroa daukaten edo zehaztu gabea dutela uste dutenen kolorea da.
LGTBI bandera bandera erakusten duen eserlekua.
Transexualen bandera adierazten duen eserlekua.
