Lander Lartitegik irabazi du Lekeitioko XVI. Oier Elorriaga memoriala

Mikel Santiso

2017/09/04

Esprintean erabaki zen atzo arratsaldean [irailak 3] Lekeitialde Txirrindu Elkarteak antolatutako kadete mailako XVI. Oier Elorriaga memoriala. Basati Bike-Busturia taldeko Lander Lartitegi, Ekin Amorebietako Mikel Agirregabiria eta Gaizka Ansola markina-xemeindarra iritsi ziren nor baino nor helmugako marrara, baina busturiarra nagusitu zen. Sailkapenean denbora berdina ezarri zioten epaileek, ordu bete, 40 minutu eta 22 segundo. Bi segundura sartu ziren Seguros Bilbao taldeko Iñigo Colina eta Gastronomia Vasca Aviako Aingeru Lopez. 46 txirrindularik hartu zuten irteera Lekeition, baina soilik 14 izan ziren helmugara iritsi zirenak. Taldekakoan, Ekin Amorebieta izan zen irabazlea. Mendiko sailkapenean lehenengoa Iñigo Colina izan zen, eta tarteko helmugena berriz Beñat Onaindia. Lea-Artibaiko lehen sailkatua Gaizka Ansola izan zen. Lea-Artibaiko hurrengo lasterketa irailaren 16an egingo dute, Berriatuan. 35. Aitxe Kutz saria izango da. Iaz, Lekeitioko txapeldun bera izan zuen lasterketa honek, Lander Lartitegi, eta eskualdeko lehen sailkatua ere Gaizka Ansola izan zen. Tartean, hurrengo asteburuan Karrantzan arituko dira. Omenaldiak. Lekeitioko lasterketaren amaieran, Lekeitialde Txirrindu Elkarteak Amets Txurruka txirrindulari etxebarritarra omendu zuen. Maiatzean txirrindularitza profesionala utziko zuela jakinarazi zuen Txurrukak. Urtero omentzen dute norbait, eta aurten omenaldia berarentzat izatea erabaki zuten antolatzaileek. Sari banaketan ere parte hartu zuen, Oier Elorriagaren amagaz batera.

Lander Lartitegik irabazi du Lekeitioko XVI. Oier Elorriaga memoriala

Bizkaia

Erbestearen mina, bizi-bizi

Jauzi Ekosozialak uste du Loiuko aireportuan bidaiari gehiago egoteak ondorio kaltegarriak izan ditzakeela

Animalien sufrimendurik gabeko jaiak eskatu dituzte Algortako Portu Zaharrean

Goitibeherak eta musika Gernikan

Kaleko saltzaileek Bilboko Udalari exijitu diote udaltzainen eraso «arrazistak» ikertzeko eta halakoak amaiarazteko

Bi egun jazzaren erritmoan

Getxoko Sokamuturra Ez taldea kalera irtengo da etzi, animalien jaietako sufrimendua gaitzesteko

San Rokeko txinpartaren zain

Gernikako Udalak abuztuaren 23rako gaztetxea husteko eskatu du, lege prozedurarik hasi barik

Justizia Anderrentzat plataformak salatu du oraindik badaudela «erantzule diren polizia eta arduradun politikoak»