Txapliguek iragarri dituzte Erdotzako Andra Mari jaiak

2017/09/08

Urtero modura, Andra Maria gogoan izan dute gaur [irailak 8], Markina-Xemeingo Erdotza auzoan, eta bere omenezko jaia ospatu dute berari eskainitako ermitaren inguruan. Goizetik entzun dituzte markina-xemeindarrek, Erdotzako Andra Mari eguna iragartzen zituzten txapliguak, eta beti bezala, kalejira egin da txistulariekin Iderra Nagusitik Erdotzako ermitaraino. Giro ederrean, meza entzun, mokadutxoa hartu, eta herriko Zerutxu dantza taldeko dantzarien ikuskizuna ikusteko aukera egon da eguerdian Erdotzan. 13:00ak orduko amaitu da meza, eta beraz, puntuan hasi da Zerutxu dantza taldeko gaztetxoen emanaldia. Agintariena, Zortziko, Arku Dantza eta Txotxongiloa dantzatu dituzte Zerutxuko txikiek.