Euriak ez du jaia nahi bezala ospatzen utzi, hala ere, Santa Eufemi eguneko hitzordua ez dute galdu nahi izan aulestiarrek. Urtero bezala, ohiturari jarraituta, Urregarairaino igo dira batzuk eta ermitara arte beste asko.
Zapatua izan bada ere, euria iragarrita zegoenez, Santa Eufemi eguna astegunean jausten denean beste jende elkartu da gaur [irailak 16] goian. Eta iragarpenek asmatu egin dute. Izan ere, eguerditik aurrera euri nahikoa egin du eta. Hori dela eta, Urregarai zelaiko bolatokia aterpe bihurtu da gaurkoan, eta eguraldiari aurpegi ona jarrita bolo jokoan jardun dute batzuk bertan.
Eguerdia orduko poneyak eta Esteibar eta Obietaren erromeria mantendu dira, baina 17:00etatik aurrerako ekintzak herrigunera lekualdatzea erabaki dute, jendeak arazorik barik parte hartu ahal izateko. Eta hala, bertan jarraitu du jaiak. Udaletxeko arkupean jo dute Esteibarrek eta Obietak eta 21:30etik aurrera Akerbeltz taldearen erromeria egongo da plazan.
Santa Eufemi jaiak hasi besterik ez dira egin. Hurrengo asteburuan kontzertua eta jaiaren errepikapena egongo dira beste hainbat ekitaldigaz. Hona hemen [EGITARAUA]
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
