Akarregi inguruetatik igaroko da Markina-Xemeingo BTT Martxa
Beste urte batez, Markina-Xemeingo BTT Martxa egongo da irailaren 30ean, Arretxinagan. Iaz bost ibilbide egon baziren ere, lehengora itzuliko da Markinako, Amalloko eta Arretxinagako BTT martxek bat eginda sortu zen martxa, eta mendi bizikleta zaleentzako ibilbide bi eta martxa herrikoi bat izango ditu aukeran, aurtengoan. Akarregi eta Arnoate inguruetatik igaroko da gainera, berriro ere.
45 kilometroko ibilbide luzea eta 26 kilometroko ertaina egongo dira, alde batetik, eta gazte eta txikienei zuzendutako 4 edo 6 kilometroko ibilbide motza, bestetik. Hala, beti bezala, adin tarte guztientzako aukera eskainiko du, herritarrek edo umeek ere, parte hartzeko aukera izan dezaten.
Irteera. Arretxinagako plazatik irtengo dute parte hartzaile guztiek. Ibilbide luze eta ertaina egingo dutenak 09:00etan izango dute irteera ordua, ibilbide motzeko parte hartzaileentzat, berriz, 11:00etan izango da hasiera.
Bestalde, ibilbide motzekoek bertan egunean eman ahalko dute izena, proba hasi orduko, Arretxinagako plazan aurkituko duten mahaian, doan. Auzo inguruko baserri eta landa zelaietatik barrena ibiliko dira, aldapa gutxiko ibilbide errazean zehar.
Urtero modura, parte hartzaileentzako opariak egongo direla jakitera eman dute antolatzaileek, eta martxa amaieran dutxatzeko, zeozer jateko eta bizikleta garbitzeko aukera ere izango dute parte hartzaileek.
45 kilometroko ibilbide luzea eta 26 kilometroko ertaina egongo dira, alde batetik, eta gazte eta txikienei zuzendutako 4 edo 6 kilometroko ibilbide motza, bestetik. Hala, beti bezala, adin tarte guztientzako aukera eskainiko du, herritarrek edo umeek ere, parte hartzeko aukera izan dezaten.
Irteera. Arretxinagako plazatik irtengo dute parte hartzaile guztiek. Ibilbide luze eta ertaina egingo dutenak 09:00etan izango dute irteera ordua, ibilbide motzeko parte hartzaileentzat, berriz, 11:00etan izango da hasiera.
- Anoa guneak: -Ibilibide motzean 15km+helmugan -Ibilbide luzean: 15km+29km+helmugan
- Desnibelak: -45km / 1490 -26km / 905
BTT Martxa herrikoia, Markina-Xemeingo Arretxinagan
