398 parte hartzailek egin dute VI. Ispasterko Mendi Martxa
Domekan 138 pertsonak egin zuten 23 kilometroko mendi ibilaldia, eta 10 kilometrokoa egin zuten parte hartzaile gehienek. Hain zuzen, 220 pertsona batu ziren mendi martxa laburra egiteko.
Bestalde, 28 kilometroko mendi bizikleta martxa 25 txirrindularik egin zuten, eta 23 kilometroko mendi lasterketa, berriz, 15 korrikalarik.
Ispasterko Udaletik aurreko asteetan zein egunean bertan laguntzen egon ziren herritarrei eskerrak eman dizkiete. Izandako parte hartzeagaz pozik daude: “Aurreko egunetako eguraldia ikusita, zorte handia izan genuen, ez baitzuen euririk egin. Gainera, jendea pozik geratu zen ibilbidearekin”.
Ibilbidean zehar martxa laburreko partaideentzat bi anoa postu jarri zituzten, eta beste hiru probetakoentzat lau hornidura gune egongo ziren. Gero, amaieran denentzat hamaiketakoa prestatu zuten. Giro ederrean batu ziren frontoi barruko probalekuan.
Zozketak. Aurten ere zenbait zozketa egin dituzte parte hartzaile guztien artean: pultsometro bat Otoio Kirolak-en eskutik, fisioterapia saio bat Maite Fisioterapian, bi pertsonentzako bazkaria Areitz-Bi jatetxean eta bi pertsonentzako bazkaria Herriko Tabernan.
Pultsometroaren zenbaki sariduna 240 zenbakia izan zen, eta Goyo Gomezek jaso zuen saria. Fisioterapia saioa, berriz, Iñigo Larrinagarentzat izan zen (028 zenbaki sariduna). Hala, bi pertsonentzako bazkariei dagokienez, Areitz-Bi jatetxeko bazkariko zenbaki sariduna 188 zenbakia izan da, eta Mikel Zubizarretak hartu zuen saria. Herriko Tabernako bazkariaren zenbaki sariduna Jon Lertxundiren 027 zenbakia izan zen.
Martxako parte hartzaile batzuk.
Argazkia: Ispasterko Udala.
Probalekuan elkartu ziren hamaiketakoa jateko.
