Kataluniari elkartasuna adierazteko elkarretaratzeak egingo dituzte Lea-Artibain eta Mutrikun
“Urriaren 1eko erreferenduma eragozteko estatu espainiarra hartzen ari den neurri errepresiboak direla eta”, horiek salatzeko eta erreferendumagaz bat egiteko deia egin du EH Bilduk. Hala, eta Katalunian gaur [irailak 20] gertatukoaren harira, Lea-Artibain eta Mutrikun ere katalanei babesa erakusteko elkarretaratzeak egingo dituzte gaur, EH Bilduk deituta. Ekintzak Kataluniarekin bat! Demokraziarekin bat! Errepresiorik ez! lelopean egingo dira, 19:30ean egingo dira. Horrez gain, koalizioak udal guztietan mozioak aurkeztuko dituela iragarri du. “Herri batzuetan ezohiko udal batzarrak egingo dira”.
- Aulesti: 19:00etan udaletxe aurrean.
- Berriatua: 19:00etan udaletxe aurrean.
- Munitibar: 19:00etan, autobus geralekuan.
- Ondarroa: 19:30ean Alamedan, Kataluniarekin bat! Demokraziarekin bat! Errepresiorik ez! lelopean. Ondarroako EH Bilduk, ikurriñak, esteladak eta Katalunian bertan ikur bilakatzen ari diren krabelinak eramateko deia luzatu diete herritarrei.
- Lekeitio: 19:30ean, udaletxe aurrean (Independentzia plaza).
- Etxebarria: 19:30ean, udaletxe aurrean.
- Ziortza-Bolibar: 19:30ean, plazan.
- Mutriku: elkarretaratzea bihar [irailak 21] egitekoak dira.
- Markina-Xemein: 19:30ean, udaletxe aurrean.
