Euskadiko Lehen Mailako aizkora txapelketaren finala jokatuko du domekan Ugaitz Mugertza mutrikuarrak
Domekan daukate hitzordua une honetan Euskal Herriko sei aizkolari onenak direnek, Josean Gasca kiroldegian, 18:00etan. 30 urteren ostean Donostian jokatuko da berriz Lehen Mailako txapelketako finala.
Mugertzaren aurkariak, Iker Vicente nafarra, Mikel Larrañaga, Joseba Otaegi eta Iñaki Azurmendi gipuzkoarrak eta finala irabazteko faborito nagusia den Aitzol Atutxa bizkaitarra izango dira. Abadiñon irailaren 16an jokatutako kanporaketan lortu zuten sailkapena sei aizkolariek.
Kirolari bakoitzak 12 pago enbor, lau kanaerdiko, lau 60 ontzako eta lau oinbiko moztu beharko ditu Donostian. Aitzol Atutxa dimarra jarraian laugarren txapela irabazten saiatuko da, azken hiru urteetan berak lortu baitu txapela janztea.
Ugaitz Mugertzak eguaztenean Donostian egindako prentsaurrekoan azaldu zuenez, “lan on bat egin eta ahalik eta emaitza onena lortzen” saiatuko da domekan.
Eguaztenean aurkeztu zuten finala Donostian. Argazkia: Donostiako Udala
