Urdaibai Koparen azken proba lehiatuko dute etzi, Gorozikan
Urdaibai Koparen zazpigarren eta azken mendi lasterketa lehiatuko dute domekan, Muxikako Gorozika auzoan. Lasterketaz gain, mendi martxa egiteko aukera ere badago.Hain zuzen, martxa luzeak eta lasterketak 19 kilometro dituzte, eta martxa laburra, oster...
Urdaibai Koparen zazpigarren eta azken mendi lasterketa lehiatuko dute domekan, Muxikako Gorozika auzoan. Lasterketaz gain, mendi martxa egiteko aukera ere badago.
Hain zuzen, martxa luzeak eta lasterketak 19 kilometro dituzte, eta martxa laburra, ostera, 10 kilometrokoa da.
Mendian ibiltzeko eguraldi aproposa egongo dela eta, parte hartzeko gonbidapena luzatu dute Gorosti Kultur Taldeko kideek.
Aurreko domekan amaitu zen proban aurretiaz izena emateko epea, eta 140 pertsonek izena eman dute. Horietatik 38 pertsonek izena eman dute lasterketan, 58 pertsonek martxa luzean, eta 44 pertsonek laburrean.
Hala ere, domekan bertan izena eman ahalko da. Etzi izena ematen dutenek 15 euro ordaindu behar dituzte (14 urtetik beherakoek 6 euro).
08:30ean irtengo dira ibilaldi luzeeneko parte hartzaileak. Ordu erdi beranduago aterako dira martxa laburra egitera doazenak, eta azkenik, korrikalariek 10:30ean daukate irteera-ordua.
Plazan hasi eta amaituko dituzte martxak zein lasterketa. Parte hatzaileek Gorozikako auzoetatik hamaika txoko eder igaroko dituzte, besteren artean, Bizkargi mendiko Santa Kurtze ermitaraino (565 m) igoko dira.
Ibilbidean zehar lau anoa postu egongo dira. Horietako bitan jan-edana izango dute partaideek indarberritzeko, eta beste bietan edariak egongo dira.
Goitisolo eta Orue
Etzi argituko da zeintzuk diren aurtengo Urdaibai Koparen irabazleak. Gaur gaurkoz, Joanes Goitisolo da gizonezkoen sailkapeneko lehenengoa, eta emakumezkoetan Oihane Orue da sailkapenburu.
Orain arteko sei probetatik lautan parte hartu du Goitisolok, eta 198 puntu bildu ditu. Haren atzetik Aitor Uriarte dago 191 puntugaz, eta Aritz Arruti da sailkapeneko hirugarrena, 187 puntugaz. Goitisoloren moduan, Uriartek eta Arrutik ere lau mendi lasterketa lehiatu dituzte orain arte.
Emakumezkoen sailkapenari dagokionez, Oruek orain arteko proba denetan parte hartu du, eta 236 puntu ditu. Gartze Mentxaka sailkapeneko bigarrenak ere aurreko sei probak lehiatu ditu, 223 puntu bilduz. Izaskun Perez dago Mentxakaren atzetik, 222 puntugaz. Perezek orain arteko sei mendi lasterketetatik bostetan parte hartu du.
Hain zuzen, martxa luzeak eta lasterketak 19 kilometro dituzte, eta martxa laburra, ostera, 10 kilometrokoa da.
Mendian ibiltzeko eguraldi aproposa egongo dela eta, parte hartzeko gonbidapena luzatu dute Gorosti Kultur Taldeko kideek.
Aurreko domekan amaitu zen proban aurretiaz izena emateko epea, eta 140 pertsonek izena eman dute. Horietatik 38 pertsonek izena eman dute lasterketan, 58 pertsonek martxa luzean, eta 44 pertsonek laburrean.
Hala ere, domekan bertan izena eman ahalko da. Etzi izena ematen dutenek 15 euro ordaindu behar dituzte (14 urtetik beherakoek 6 euro).
08:30ean irtengo dira ibilaldi luzeeneko parte hartzaileak. Ordu erdi beranduago aterako dira martxa laburra egitera doazenak, eta azkenik, korrikalariek 10:30ean daukate irteera-ordua.
Plazan hasi eta amaituko dituzte martxak zein lasterketa. Parte hatzaileek Gorozikako auzoetatik hamaika txoko eder igaroko dituzte, besteren artean, Bizkargi mendiko Santa Kurtze ermitaraino (565 m) igoko dira.
Ibilbidean zehar lau anoa postu egongo dira. Horietako bitan jan-edana izango dute partaideek indarberritzeko, eta beste bietan edariak egongo dira.
Goitisolo eta Orue
Etzi argituko da zeintzuk diren aurtengo Urdaibai Koparen irabazleak. Gaur gaurkoz, Joanes Goitisolo da gizonezkoen sailkapeneko lehenengoa, eta emakumezkoetan Oihane Orue da sailkapenburu.
Orain arteko sei probetatik lautan parte hartu du Goitisolok, eta 198 puntu bildu ditu. Haren atzetik Aitor Uriarte dago 191 puntugaz, eta Aritz Arruti da sailkapeneko hirugarrena, 187 puntugaz. Goitisoloren moduan, Uriartek eta Arrutik ere lau mendi lasterketa lehiatu dituzte orain arte.
Emakumezkoen sailkapenari dagokionez, Oruek orain arteko proba denetan parte hartu du, eta 236 puntu ditu. Gartze Mentxaka sailkapeneko bigarrenak ere aurreko sei probak lehiatu ditu, 223 puntu bilduz. Izaskun Perez dago Mentxakaren atzetik, 222 puntugaz. Perezek orain arteko sei mendi lasterketetatik bostetan parte hartu du.
