Emaitza desberdinak eskualdeko puntistentzat Berriatuko Xistera zirkuituko jaialdian
Lehen aldia izan da Xistera zirkuituko jaialdia Berriatuan jokatu dena eta bi partidek ez zuten hutsik egin barikuan. Bi partidak hirugarren setean erabaki ziren, eta herriko puntista Unax Vidalek ezin izan zuen garaipena lortu herriko frontoian.
Jaialdiko lehen partidan ikuskizuna izan zen nagusi. Lehen seta Bixente Gonzalez eta Mathieu Bohoteguy bikotearentzat izan zen, eta bigarrena aldiz Unax Vidal eta Iñaki Egiak osatutako bikotearentzat.
Hirugarren setean, bikote urdina izan zen jokoaren pisua eraman zuena, bikote gorriaren markagailua hutsean utziz. Bixente Gonzalez izan zen pilotari nabarmenduena set horretan.
Bigarren partiduko lehen seta Ekaitz Mendizabal eta Mikel Mantzisidorrentzako izan zen. Urdinak, ia set osoan joan ziren atzetik, eta berdintzea lortu bazuten ere ez ziren izan aurretik jartzeko gai. Bigarren seta askoz parekatuagoa izan zen, baina Mendizabalek setaren erdi aldean egindako akats batek partidatik atera zuen bikote gorria, neurketa bana berdinduz. Hirugarren eta azken setean, berriz ere Mendizabal eta Mancisidor egin ziren jokoaren jabe, eta horri esker partidua eurenganatzea lortu zuten.
Antolatzaileek Berriatuan egindako lehen jaialdia izanik egon zen giro ona eta hurbildutako jendetza goraipatu nahi izan zituzten. Hurrengo jaialdia Durangon izango da.
Berriatuko Xistera jaialdiko parte hartzaileak. Argazkia: Xistera
