Enplegua sortzeko eta ekintzaileentzako laguntzak emango ditu Mutrikuko Udalak
Herrian enplegua handitzea eta ekintzailetasuna bultzatzea dira helburuak, eta Mutrikulan egitasmoaren barruan dauden hiru ardatzetan oinarrituko da programa. Mutrikuko Udala da sustatzailea.
Lehenengo ardatzak enpresa berriak ezartzeko ekimenei laguntzean datza. Honen onuradunak Debegesa agentziarekin bideragarritasun plana egin eta Mutrikun alta ematen duten pertsona fisiko nahiz juridikoak izango dira.
Bigarren ardatza berriz enpleguaren sustapenari dagokio. Honen xedea langile berrien kontratazioak egitea da, ekintzailea berea ere kontuan hartuta. Horrela, herriko langabezia tasa murriztu nahi da.
Eskaerak aurkezteko epea azaroaren 2an amaitzen daHirugarren eta azken ardatza disfuntzio fisikoak dituztenei zuzenduta dago. Gizarte baztertze arriskuan dauden edota disfuntzio fisikoa duten pertsonen kontratazioa bultzatzea da helburua, bazterketa egoeran geratzea saihesteko. Mutrikun lantokia duten legez eratutako enpresei daude zuzenduta alor honetako laguntzak. Laguntza hau jaso ahal izateko, enpresaren helburua gizarte baztertze arriskuan dauden desgaitasun fisikoa duten pertsonen lan integrazioa izan behar da. Laguntza hauek eskatzeko Mutrikuko udaletxera jo behar dute interesa daukatenek, eta eskaerak aurkezteko epea azaroaren 2an amaitzen da.
Herriko ekonomia sustatzea da programaren helburua.
