Zientziaren Giltzak Elkarteak fisikari buruzko hitzaldia eskainiko du Ondarroan
CERN, leiho bat unibertso ikusezinera hitzaldia (gazteleraz) Beikozini aretoan egingo da, urriaren 31n, 18:30ean.
Aurkezle lanak egingo ditu Pedro Miguel Etxenike fisikariak, eta hizlaria Pilar Hernandez Gamazo fisikaria izango da. Hernandez partikulen oinarrizko fisikan aditua da, eta egun Ikerketa Nuklearretarako Europako kontseiluaren (CERN-Theory Neutrino Platform) jarduerak koordinatzen ditu, europako hainbat proiektuen ikerketak ikuskatzeaz gain.
Hitzaldian Ikerketa Nuklearretarako Europako Kontseiluan jorratzen dituzten gaien azalpenak emango ditu. Hala nola, zergatik den ikusezina grabitatzen duen materia gehiena, edota zergatik unibertsoa materiaz eginda dagoen eta ez antimateriaz.
Hizlariaren ibilbidea. Hernandez fisikan lizentziatu zen Madrilgo Unibertsitate Autonomoan (Espainia). bertan doktoretza egin zuen eta geroago Hardvard Soziety of Fellows (Erresuma Batua) elkarteko kidea izan zen. Genevako CERN (Suitza) laborategiko dibisio teorikoan ere aritu zen, eta 2008. urtetik aurrera Valentziako Unibertsitatean katedradun bihurtu zen. Egun unibertsitatean eta Fisikako Institutu Korpuskularrean aritzen da bere ikerketa lana garatzen.
Hitzaldia zuzenean ikusteko aukera egongo da Periscope-tik.
Pilar Hernandez Gamazo fisikaria. Argazkia: Zientziaren Giltzak
