Debabarrena berritzen egitasmoari amaiera emango diote barikuan
Barikuan emango diote amaiera ‘Debabarrena berritzen’ egitasmoari, Debegesak Eibarren duen egoitzan, 09:00etan.
Debegesa agentziak Elhuyar Aholkularitzarekin eta Gipuzkoako Foru Aldundiaren laguntzarekin ‘Debabarrena berritzen, Debabarrenean berrikuntza soziala eraginez’ ekimena garatu du, eta barikuan egingo dute horren inguruko jardunaldia.
Eskualdeko berrikuntza sozialean eragitea izan du helburu proiektuak, eskualdeak dituen erronkei erantzun egokiagoak eman ahal izateko. Horretarako bi lan ildo jorratu dituzte: batetik eskualdeko sei egitasmo baloratu dira berrikuntza sozialaren ikuspegitik eta bestetik eskualdeko hainbat eragile elkartzeko topagunea sortu eta hainbat hausnarketa egin dira.
Prozesuari amaiera emateko eta emaitzak aurkezteko Orkestra Lehiakortasunerako Euskal Institutuko ikertzaile Miren Estensorok eskainiko du hitzaldia; beste bi esperientzia ezagutzeko aukera egongo da. Izena 943 82 01 10 telefonoan edo komunikazioa@debegesa.eus helbidean eman behar da.
Orkestra Lehiakortasunerako Euskal Institutuko ikertzaile Miren Estensoro. Argazkia: YouTube
Orkestra Lehiakortasunerako Euskal Institutuko ikertzaile Miren Estensoro. Argazkia: YouTube
