2018 urtera begira batzarra egingo du Ondarroako Yaalah elkarteak
Barikuan egingo dute bilera, 18:00etan Kofradia Zaharrean, eta antolatzaileek esan dutenez “bilera zabala izango da”. Horregatik gaiari buruzko interesa daukan herritar oro edo galderaren bat dutenak bertara joatera gonbidatu dituzte Saharar Herriarekiko Ondarroako Elkartasun Taldeko kideek.
Hiru izango dira Yaalah elkartearen batzarrean jorratuko diren gaiak. Batetik, 2018ko karabanarako janari bilketari buruz berba egingo dute. Bestetik, apirilean kanpamentuetan egingo duten elkartasun proiektuari buruzko xehetasunak azalduko dituzte eta azkenik Oporrak Bakean 2018 egitasmoa ere azalduko dute.
Antolatzaileek gogorarazi dute bertaratzen direnek ere edozein ideia ekarri dezaketela batzarrera, gero bertan jorratzeko.
Ondarroako Yaalah Saharar Elkartasun taldearen bilera bat.
