120 korrikalari nagusi baino gehiago batu ditu Ondarroako I. Jose Mari Naberan Herri Krosak

2017/11/18

Txikien lasterketak (380 metro eta 340 metro) egin dira lehendabizi, eta gero, 17:00etan, nagusien txanda izan da. Horretan, 120 korrikalari baino gehiago batu dira; asko eta asko ondarrutarrak baziren ere, herriko eta herritik kanpoko korrikalari profesionalek ere ez dute lasterketara hutsik egin nahi izan. Mutiletan Jon Aranguren Larrañaga azpeitiarra (22 minutu eta 38 segundo), Zorion Kareaga markina-xemeindarra eta (23:18) eta Iñigo Perez markina-xemeindarra izan dira lehenengo hirurak, hurrenez hurren. Nesketan, ostera, ondarrutarrak ere podiuma egin dute: Belen Mora Ruiz de Arbulo (27:26), Ioana Osa (28:17) eta Elisabet Ibazeta (30:42) izan dira lehenak helmugaratzen, hurrenez hurren.

[zuzenean ARGAZKI GALERIA IKUSI]

Lasterketak egiten ari ziren bitartean, antolatzaileek Jose Mari Naberanen inguruko pasarteak kontatu dituzte. Eta hiru lasterketak egin eta gero, parte hartzaile guztiek talde argazkia atera dute. Iragarri modura, lasterketak kutsu solidarioa eduki du eta batu den dirua Ondarroako Karenka elkarteari bideratu zaio, urtean egiten dituen ekintzak burutzeko. Hala, kros txikia “inklusiboa” izan da, eta aniztasun funtzionala daukaten neska-mutilek ere parte hartu ahal izan dute.

[zuzenean ARGAZKI GALERIA IKUSI]

Sariak lasterketa handian (6 kilometro eta 800 metro) parte hartu dutenek jaso dituzte, eta ez txikietan parte hartu dutenek. Dena dela, aipagarria izan da 50. helmugaratu denari ere saria eman izana. Lasterketaren antolatzailea Zubi Zahar Herri Ikastola izan denez, eta lasterketa ikastolaren 50. urteurreneko ekintzen baitan egin denez, antolatzaileek 50. postua lortu duenari ere saria eman nahi izan diote.

Jose Mari Naberan Herri Krosa (Ondarroa)

Jose Mari Naberan Herri Krosa, Ondarroan

Erlazionatutako edukiaARGAZKI GALERIA: I. Jose Mari Naberan Herri Krosa