Bederatzigarren urteurrena ospatuko du Akerbeltz gaztetxeak
Bazkaria, musika, jokoak eta giroak bat egingo dute zapatuan [abenduak 2] ospatuko den Akerbeltz gaztetxearen 9. urteurren jaian. Urtero bezala, bazkarian batuko dira gazteak Akerbeltzen, eta kaleetara ere zabalduko dute jai giroa.
Markina-Xemeingo Gazte Asanbladak antolatuta, pala txapelketa jokatu da frontoi txikian, azaroan eta abenduan. Bi mailatan banatuta aritu dira parte hartzaileak, eta maila bietako finalak erabakiko dira zapatuan. Hori dela eta, bazkariaren osteko jolasak amaitutakoan, herriko frontoi txikira joango dira gazteak finalak ikusteko. 17:00etan hasiko dira norgehiagokak.
Kontzertuak gaztetxean. Frontoi txikitik bertatik hasita, herrian zehar giroa zabaltzen hasiko dira gazteak, Pala Txapelketaren ondoren, Traka-traka txarangagaz lagundutako poteoagaz. Gaztetxean amaituko dute ibilbidea. Izan ere, 22:30ean hasiko dira Akerbeltzen Garoa, Akabu taldeen kontzertuak eta DJ Elepuntoren emanaldia.
Gazteak bazkaltzen Akerbeltz gaztetxean.
