Europako diputatuek Ibon Iparragirre aske uzteko eskatu dute
EH Bilduk zabaldutako bideoaren arabera, Europako parlamentuko hiru talde politikotako diputatuak Euskal Herrian izan ziren iazko otsailean euskal presoen giza eskubideen egoera aztertzeko. Bidaia horretan jasotakoaren harira, apirilean Motibazio politikoko euskal presoen giza eskubideak txostena aurkeztu zuten Bruselan. Horretan, besteak beste, Espainiako espetxe agitariei Ibon Iparragirre eta gaixorik dauden gainerako presoen osasun eskubidea bermatzeko eskaera jaso zuten.
Txostena aurkeztu eta urte eta erdi beranduago Iparragirren egoera muturrekoa dela jakinda, txostenaren egileek preso ondarrutarraren egoera salatu eta “berehala aske uzteko” eskatu dute.
Eskaera egin duten diputatuak: Malin Björk ( Suedia), Tajtana Zdanoka (Letonia), Lidia Senra (Galizia, Espainia), Mark Demesmaeker (Flandria), Josep-Maria Terricabras (Katalunia), Martina Anderson (Irlanda) eta Josu Juaristi (Euskal Herria).
