Arrakastatsua izan da Berriatuan egin den Nesken Nazioarteko II. Xistera Topaketa
40 neskak parte hartu zuten atzo [abenduak 3] Mendibarren frontoian egin zen egun osoko topaketan. Xistera proiektuak antolatuta goizetik iluntzeraino zesta-puntaz gozatzeko aukera bikaina eduki zuten jolas eta lehiaketa ezberdinen bitartez.
Pilotariak Euskal Herri osoko leku ezberdinetatik joan ziren Berriatuara, baina egon zen esaterako Kataluniatik etorri zen kirolaririk ere. Jolas ezberdinak eta kinielak egin zituzten egun osoan, eta elkarren arteko harremanak sustatzeko eta emakumeen kirola bultzatzeko balio izan zuen. Oso pozik agertu ziren antolatzaileak zein Mendibarreneko harmailak bete zituzten zaletuak. Familia argazkia aterata amaitu zuten eguna Berriatuan.
II. Nesken Nazioarteko Xistera Topaketan parte hartu zuten kirolariak. Argazkia: Berriatuko Udala
