Bermeo-Ondarroa topaketak egingo dituzte zapatuan, Ondarroan
Bermeoko Txosna Batzordeak eta Ondarroako Gazte Asanbladak antolatu dituzte topaketak. Adierazi dutenez, bi herrietako gazteen arteko harremanak sustatzea eta Bermeoko herrian bizi duten errealitate soziolinguistikoa hobeto ezagutzea dira jaialdiaren helburuak.
Egun osoko egitaraua antolatu dute. 12:30ean, karropoteoa egingo dute Alde Zaharretik, jokoekin dinamizatuta. Ondorengo ekimenak Gaztetxean izango dira: 15:30ean, bazkaria izango dute. Kulixka edo Anaitasuna tabernetan eman behar da izena. Euskararen gaiari helduz, 18:30ean, Ondarroako eta Bermeoko euskararen egoerari buruzko solasaldia izango da AEKren eskutik, eta topaketei amaiera emateko, 20:00etan, DJ OndarruMask entzuteko aukera egongo da. Herritarrei topaketetan parte hartzeko deia egin diete.
