Urtarrilaren 27an hartuko du Markina-Xemeingo Uni pilotalekuak Eskuz Binakako Txapelketa
Urrutikoetxeak eta Aretxabaletak osatutako bikoteak Victor eta Albisugaz neurtuko ditu indarrak. Partidu berezia izango da, herriko pilotaria berriz EPELen Eskuz Binakako Txapelketan ikusteko aukera edukiko baitute pilotazaleek. Partidu estelarraren aurretik ere, Asegarceko beste lau pilotari handi aterako dira kantxara: Artola-Ibai Zabala eta Laso-Untoriaren arteko neurketa egongo da jokoan. 17:45ean hasiko da pilota jaialdia Pilotaren Unibertsitatean.
Sarrera guztiak leihatilan. Markina-Xemeingo Esku Pilota taldeak eta Markina-Xemeingo Udalak jakinarazi dutenez, leihatilan bakarrik eskuratu ahal izango dira sarrerak, 15, 20 eta 25 eurotan. Abenduaren 29an (barikua) eta urtarrilaren 5ean eta 12an (barikua), 18:00etatik 20:00etara bitartean egongo dira salgai; urtarrilaren 27an (zapatua), berriz, 16:30etik aurrera. Sarrerak erosi ondoren, ez dela dirurik itzuliko esan dute antolatzaileek.
Andoni Aretxabaleta.
