Abenduko futbol talde bizkaitarrik onenaren saria eman dio Cantera Deportivak Ondarroako Aurrerari
Bizkaiko futbolaren inguruan aritzen den egunkariak hilabetero banatzen du saria eta abendukoa Ondarroako Aurrera Kirol Elkarteko nagusiek jaso dute. Abenduan jokatutako lau partiduetan garaipena lortu zuten Ibon Lopezen mutilek, 12 puntu lortuz.Urdulizen aurka 0-1 irabazi zuten etxetik kanpo, hurrengo jardunaldian 4-2 menderatu zuten Loiu Zaldupen, 13.jardunaldian Derion azken minutuan lortu zuten 2-3ko garaipena eta hilabeteko azken neurketan 5-0 irabazi zioten Gatikari etxean.
Baina bolada onari jarraipena ematea lortu dute gorriek eta urteko lehen jardunaldian ere Retuertoren aurkako partidua 4-0 irabazi zuten Zaldupen. Bolada onari esker 5.postuan daude sailkapenean 25 puntugaz, play-off postuetatik bi puntura eta liderrarengandik sei puntura. Taldeko kideak pozik agertu dira saria jasotzearren eta puntuak batzen jarraitzeko lanean jarraituko dutela aitortu dute.
Azaroaren 5ean Apurtuarte taldearen aurka Erandion 1-0 galdu zutenetik ez dute porrotik jaso ondarrutarrek. Orduz geroztik jokoan egon diren 24 puntuetatik 18 lortu dituzte, 19 gol sartu dituzte eta sei bakarrik jaso. Hurrengo partidua zapatuan [urtarrilak 13] jokatuko dute Ugeragaren aurka, Sopelako Urko-Larrabasterra zelaian 15:45ean.
Aurrerako jokalariak aldagelan, sariagaz. Argazkia: Aurrera KE
Ezkerretik eskumara: Iker Zubikarai (ordezkaria), Juanan Azpitarte (prestatzaile fisikoa), Iraitz Larrañaga, Ander Laka eta Jesus Ojeda (jokalariak), Ibon Lopez (entrenatzailea), Andoni Duarte (2. entrenatzailea), Erik Osa (Leartigoleko arduraduna) eta Cantera Deportiva egunkariko arduraduna. Argazkia: Cantera Deportiva
