Unin jokatuko den Eskuz Binakako Txapelketako partida ikusteko sarrerak posta elektronikoz ere eskura daitezke
Markina-Xemein Esku Pilota taldeak jakinarazi duenez, markinaeskupilota@gmail.com helbidera mezu bat bidalita edota pilotalekuko leihatilan erosi ahalko dituzte pilotazaleek utarrilaren 27ko pilota jaialdirako sarrerak. “Posta elektronikoz sarrera eskuratzeko mezua bidaltzen dutenekin harremanetan jarriko gara esku pilota taldekoak. Zeintzuk jarleku libre dauden jakinaraziko diegu, erreserba egin ahal izateko”, azaldu du Abel Calvo Markina-Xemeingo Esku Pilota taldeko presidenteak.
Sarrerak 15, 20 eta 25 eurotan daude salgai. Leihatilak bihar [urtarrilak 12] zabalduko ditute berriz, 18:00etatik 20:00etara; eta urtarrilaren 27an, 16:30etik aurrera. Sarrerak erosi ostean, ez dela dirurik itzuliko esan dute antolatzaileek.
Aretxabaletarik gabe. Eskuz Binakako Txapelketako partida nagusia ez da izango iragarritakoa. Batetik, Andoni Aretxabaleta herriko pilotaria ez da kantxaratu ahal izango, abenduaren 30ean Labriten jokatu zuen partidan eskuin dortsalean min hartu ondoren. Gorabeherarik ezean, Ibai Zabala izango du atzean Mikel Urrutikoetxeak. Bestetik, Asegarcek Lasogatik ordezkatu zuen joan den astean Victor, “esperotako maila ez emateagatik”. Horrenbestez, Lasok eta Albisuk osatuko dute bigarren bikotea. Aldaketa horiekin, estelarraren aurreko partiduan ere aldaketak egongo dira.
Mikel Urrutikoetxea, sakea ateratzen.
