Nazareno eguneko kontzertua eskainiko du Mutrikuko Musika Bandak
Domekan [urtarrilak 21] eskainiko du ohiko kontzertua Mutrikuko Musika Bandak. Zabiel kultur etxean eskainiko dute emanaldia, 13:00ean hasita. Josean Pascual izango da kontzertua zuzenduko duena. Egun horretan Komentuan egiten den mezaren aurretik eta mezaren ostean kalejira ere egingo dutela gogora ekarri dute bandako ordezkariek.
Hauek dira kontzertuan eskainiko dituzten piezak: Aguero (J. Franco), Fantasía vasca nº2 (D. Borea), En un mercado persa (A. W. Ketelbey), Mutrikuar abestiak (I. Lekube), Fantasía de la ópera Carmen (Bizet) eta Grease (W. Hautvast). Urtero herritarrentzat berezia izaten den Iñaki Lekubek moldatutako Mutrikuar abestiak ez da faltako aurten ere.
Mutrikuko Musika Bandako kideek herritar guztiak gonbidatu nahi izan dituzte Zabieleko kontzertura.
Mutrikuko Musika Banda.
