Lur Korta ipuin kontalaria egongo da Mutrikun, Ipuinaren Ordua programaren barruan
Lur Korta ipuin kontalaria egongo da eguenean [otsailak 1] Mutrikuko Zabiel kultur etxeko liburutegian, 17:00etatik aurrera. Ipuinaren Ordua programaren barruan bi saio eskainiko ditu. Lehenengoa, 17:00etan hiru eta bost urte bitarteko umeentzat eta bigarrena 17:30ean, sei urtetik gorako neska-mutilentzat. Aurorita beti polita ipuina kontatuko du Kortak.
Sarrera doakoa izango dela esan dute, aretoa bete arte. Gaineratu dute ipuin kontalariaren saioak dirauen bitartean, 18:00ak aldera arte, liburutegiaren ohiko zerbitzua ez dela erabilgarri egongo.
Ipuinaren Ordua programaren helburua «irakurketaren bidez irudimen eta fantasia pizteaz gain, modu dibertigarri batean, haurra liburuetara eta liburutegira hurbilaraztea da». Programa horren baitako saioak hilabetean behin izango direla esan dute udal liburutegitik, «normalean 17:00etan».
Lur Korta ipuin kontalaria. Argazkia: Lur Korta/Facebook
