AZTI eta OPPAO elkarteak alturako ontzien arrantzu soberakinei irtenbidea bilatu nahian ari dira
AZTI zentro teknologiko eta itsasoaren eta elikagaien ikerketan adituak eta Ondarroako Portuko Alturako Arrantza Ekoizleen Elkartea 2019ko urtarrilaren 1ean abian jarriko den legedi berrira moldatzeko saiakerak egiten ari dira. Legedi horrek arrantzu soberakinak saihestea eta nahi gabeko espezieak arrantzatzea erregulatu nahi du. Europako Parlamentuak eta Europako Kontseiluak martxan jarritako plangintza da, progresiboki aurrera joan dena 2015az geroztik eta ontziak Beharrezko Lehorreratzea bezala ezagututakoa egitera behartzen dituena. Soberakinak saihestea dakarren legedi berriak ontzien egunerokotasunean hainbat aldaketa sortuko dituela aurreikusten dute enprsek, eta horregatik aldaketa horiek eragin ditzaketen kalteak ahalik eta gehien txikitu nahi dituzte.
Egoera berri horren aurrean, AZTI eta OPPAO beste elkarte batzuekin batera, legedi berrira moldatzeko saiakerak egiten hasiak dira dagoeneko, legedi berrira moldatzeko aukera emango dien erreminta berrien bila. MenDes egitasmoa da martxan jarritako proiektuetako bat. Ikuspegi teknologiko eta zientifikotik legedi berrira ahal bezain laister egokitzeko alternatibak bilatzen ari dira. Lehenik eta behin diagnosia egiten ari dira, alturako ontziek Beharrezko Lehorreratzea ezartzen denean edukiko dituzten arazoei nola aurre egin erabakitzeko.
Ikerketaren beste oinarrietako bat arrantza egiteko moduan moldaketak egitea da, beti ere legedi berriaren helburu nagusia soberakinak saihestea dela. Horrela, arrantzan egiteko moduari arrantzu hori selektiboa izateko modua nola gauzatu ikertzen ari dira, soberakinak arrantzatzea saihesteko zenbateko aukera dagoen eta arrantzatu nahi dena arrantzatzen jarraitzeko zenbateko aukera dagoen ikusiz. Beste ikergune bat soberakinen kudeaketa da, hau da, ontzi barruan arrain soberakin horiekin zer egin, beti ere erregulazio berrira moldatuz eta ontziko langileen segurtasuna bermatuz.
Ozeanoak aztertzen dituen institutu espainiarraren arabera, legatzaren kasuan arrantzatutakoaren %38 baino handiagoa da soberakinaren portzentaia azken hiru urteetan.
Alturako ontzi bikotea Ondarroako portuan.
Arrasteko ontzi bat, Ondarroan.
