Zuhaitz Eguna ospatu dute Ziortza-Bolibarren
Aitzurrak hartu, eta nagusien esanetara, fin aritu ziren domekan Ziortza-Bolibarko umeak. Zuhaitz Eguna ospatu zuten, eta ingurunea babesteko ardura txikitatik ondo barneratuta daukatela erakutsi zuten, beste urte batez.
Aranbaltz kultur elkarteak, Markola guraso elkarteak eta Ziortza-Bolibarko Udalak elkarlanean antolatutako eguna izan zen domekakoa.
Udaletxe aurrean elkartu, eta han landatu zituzten Prumus Lixardi motako arbolak. Izan ere, aurretik bertan zeudenak egoera txarrean zeudela-eta kendu egin zituzten, eta orain leku berean jarri dituzte beste batzuk. Hain zuzen ere, auzokonpostarekin sortutako konpostarekin landatu eta ongarritu zituzten zuhaitzak.
Ume zein heldu gogotsu aritu ziren, eta goiz pasa ederra egin zuten arbolak landatzearen aitzakian.
Landaketa amaituta, iaz jarritako sagarrondoak bisitatu zituzten. Zuhaitz eta Konpost eguna ospatu zuten iaz. Konposta egin, eta Etxepare Lizeoko diru bilketa kanpainagaz bat eginda, hamabost sagarrondo landatu zituzten.
Ondoren, aurtengo Zuhaitz Eguna borobiltzeko kopauan elkartu ziren.
