Azalera taldeak 'Hare Ale' kantuaren bideoklipa estreinatu du
Ziortza-Bolibarko eta Ondarroako musikariek osatzen duten taldea da Azalera. Sorreratik, taldearen helburua kantu propioz osatutako diskoa kaleratzea izan da. Orain, lehenengo lana bidean dela iragarri dute; apirilaren erdialdera kalean egongo aurreratu dute.
Taldekideak ondokoak dira: Beñat Bidegain Lekue (gitarra), Urki Gojenola Ibarloza (bateria), Jon Lasarte Mujika (baxua) eta Lorea Zulaika Arriaga (ahotsa).
Diskoa Amorotoko Musikorta estudioan grabatu dute, Xabi Navarro Jota teknikariagaz batera; abestiak Asier Badiolak masterizatu ditu.
Rocka jotzen dute, pop, stoner eta rock esperimentalaren eragin nabarmenagaz. Aurreko astean bi aurrerapen kantu (Kruzigramak eta Engainuen Mugan) argitaratu zituzten, bai eta diskoaren azala izango dena ere. Horrez gain, asteon, Hare Ale kantuaren bideoklipa estreinatu dute. “Sorkuntzaren alor ezberdinetan dihardugun hainbat lagunen artean sortu dugu bideoklipa”, esan dute.
Ondokoak dira bideoklipean parte hartu dutenak:
Bestalde, diskoa finantzatzeko crowdfunding kanpaina bat abiaraziko dutela iragarri dute, GOTEO plataformaren bidez.
HONEKIN LOTUTA: Azalera eta Biren taldeak, Gaztearen 27. Maketa Lehiaketan
Ezkerretik eskumara: Bidegain, Lasarte, Zulaika eta Gojenola. Argazkia: Azalera
- Nerea Iglesias Lili (antzezlea)
- Asier Rivera Arantzamendi (komunikazioa, bideokliparen zuzendaritza, errealizazioa, edizioa eta grabazioa)
- Eneko Elezgarai Urkiza (grabaketa, kolore zuzenketa eta edizioa)
- Beñat Etxaburu Uribe (diskaren azala eta diseinu grafikoa)
Azalera taldeko kideak eta ‘Hare ale’ abestiaren bideokliparen grabaketan parte hartu duten kideak. Argazkia: Azalera.
