Santurtziar bat zigortu dute Mendexako tabernan bezero bati egindako lesio delituengatik
Bizkaiko Probintzia Auzitegiko seigarren sekzioko epaileak lau hilabete eta hamabost eguneko kartzela zigorra, eta 3.445 euroko isuna ezarri dio. Horregaz batera, hauteskudeetan hautagai izateko eskubidea egikaritzeko gaitasuna ukatu diote zigorra bete beharrreko tartean.
Lesioak zuhurtziagabekeriaz egitea egotzi dio epaileak.
2016ko irailaren 25eko gertakariengandik zigortu dute Santurtziko bizilaguna; santurtziarra tabernaren jabea da. Epaian frogatutako egitateetan zehazten denez, gauez tabernan zegoela, egun horretan egin ziren hauteskude autonomikoei buruz berbetan hasi zen tabernan zegoen bezeroagaz. Eztabaidatzen hasi, eta jabeak aihotz bategaz eraso zion bezeroari. Lekeitioko osasun zentroan hartatu zuten, eta zaurien xehetasunak ere jaso dituzte sententzian. Epaileak dio ez dela egiaztatuta geratu erasotzaileak min emateko edo lesionatzeko asmoa zeukanik.
