Giro ona nagusi Tarinek Berriatuko Eskolan eskainitako emanaldi didaktikoan
Berriatua eta Markina-Xemeingo Tarine Udal Musika Eskolak emanaldi didaktikoa eskaini du gaur [martxoak 23] Berriatuko Eskolan. Oro har, dena espero bezala joan dela eta eskolako ikasleak ere pozik egon direla esan dute Tarinekoek.
10:30ean hasi dira ikasleak musika instrumentuak ezagutzeko guneetatik pasatzen. Gune bakoitzean 10 bat minutu egin dute ikasleek; gune bakoitzean zegoen instrumentuaren inguruko azalpenak entzun dituzte. 12:00etan erromeria egin dute, instrumentu guztiak batuta. “Horretan jai giroa izan da nagusi, eta beste kantu bat jotzeko ere eskatu dute amaieran. Guztira, beraz, 4-5 abesti eskaini ditugu”. Ekintza kalejira bat eginez amaitu dute.
