Udalak HITZAren 110 harpidetza egin ditu
Leku publikoetan HITZA egunkariaren 110 harpidetza banatzeko akordioa adostu du Bermeoko Udalak LEA-ARTIBAI, MUTRIKU ETA BUSTURIALDEKO HITZAgaz. Horregaz, euskara eta euskal komunikabideak sustatu eta herritarren artean euskaraz irakurtzeko ohitura zab...
Leku publikoetan HITZA egunkariaren 110 harpidetza banatzeko akordioa adostu du Bermeoko Udalak LEA-ARTIBAI, MUTRIKU ETA BUSTURIALDEKO HITZAgaz. Horregaz, euskara eta euskal komunikabideak sustatu eta herritarren artean euskaraz irakurtzeko ohitura zabaldu nahi dute.
Juan Karlos Agirre euskara zinegotziak akordioaren garrantzia azpimarratu nahi izan du: «Bermeotarren artean euskaraz irakurtzeko ohitura eta irakurzaletasuna zabaltzea da asmoa. Horretarako, HITZAk herritarrei hurbileko informazioa euskaraz irakurtzeko aukera eskaintzen die, eta horregatik, harpidetzak egitea garrantzitsua dela uste dugu».
Maite Alvarez euskara teknikariak azaldu duenez, harpidetzak udal eraikinetan banatuko dituzte: Liburutegian, Kultura eta Gizarte etxean, Berhaz-en, Gizarte Ongizateko Udal Patronatuaren egoitzan, Zaharren Egoitzan eta Musika Eskolan. Irakurtzeko ohitura dagoen lekuetan ere egingo dute banaketa; taberna eta ostatuetan, estetika zentroetan, ile apaindegietan, bidaia agentzietan edota akademietan. «Herritarrek toki horietan irakurtzeko ohitura izaten dute, eta euskarazko gertuko informazioa irakurtzeko aukera ematea oso positiboa dela uste dugu aipatu helburuak lortzeko». Iaz bezala, Osakidetzaren osasun etxean aurkitu ahal izango dira egunkariaren aleak, baita ere Euskotreneko geltokian.
Idurre Arrazola HITZAren komertzial eta sustatzailea, bestalde, harpidetzen bilakaeraz aritu da: «Gure ahalegina harpidedun horiek ordainpeko sistemara pasatzea izaten da, urtebetean doako harpidetza bat izan ondoren udalaren eskutik». Azken lau urteetan, HITZA eduki duten 23 leku publiko harpidedun ordaintzaile bilakatu dira. Bukatzeko, Arrazolak azpimarratu du «HITZA euskaraz irakurtzea sustatzeko modu egokia» dela.
«Eskualdeko informazioa euskaraz edukitzeko garrantzia» nabarmendu du Izaro Mendieta HITZAko zuzendariordeak, eta Bermeoko Udalak urtean-urtean eskaintzen duen laguntza azpimarratu eta eskertu du.
Juan Karlos Agirre euskara zinegotziak akordioaren garrantzia azpimarratu nahi izan du: «Bermeotarren artean euskaraz irakurtzeko ohitura eta irakurzaletasuna zabaltzea da asmoa. Horretarako, HITZAk herritarrei hurbileko informazioa euskaraz irakurtzeko aukera eskaintzen die, eta horregatik, harpidetzak egitea garrantzitsua dela uste dugu».
Maite Alvarez euskara teknikariak azaldu duenez, harpidetzak udal eraikinetan banatuko dituzte: Liburutegian, Kultura eta Gizarte etxean, Berhaz-en, Gizarte Ongizateko Udal Patronatuaren egoitzan, Zaharren Egoitzan eta Musika Eskolan. Irakurtzeko ohitura dagoen lekuetan ere egingo dute banaketa; taberna eta ostatuetan, estetika zentroetan, ile apaindegietan, bidaia agentzietan edota akademietan. «Herritarrek toki horietan irakurtzeko ohitura izaten dute, eta euskarazko gertuko informazioa irakurtzeko aukera ematea oso positiboa dela uste dugu aipatu helburuak lortzeko». Iaz bezala, Osakidetzaren osasun etxean aurkitu ahal izango dira egunkariaren aleak, baita ere Euskotreneko geltokian.
Idurre Arrazola HITZAren komertzial eta sustatzailea, bestalde, harpidetzen bilakaeraz aritu da: «Gure ahalegina harpidedun horiek ordainpeko sistemara pasatzea izaten da, urtebetean doako harpidetza bat izan ondoren udalaren eskutik». Azken lau urteetan, HITZA eduki duten 23 leku publiko harpidedun ordaintzaile bilakatu dira. Bukatzeko, Arrazolak azpimarratu du «HITZA euskaraz irakurtzea sustatzeko modu egokia» dela.
«Eskualdeko informazioa euskaraz edukitzeko garrantzia» nabarmendu du Izaro Mendieta HITZAko zuzendariordeak, eta Bermeoko Udalak urtean-urtean eskaintzen duen laguntza azpimarratu eta eskertu du.
