Eskualdeko musikarien plaza bihurtu da Etxebarria

Asier Alkorta

Amoroto,Aulesti,Berriatua,Etxebarria,Gizaburuaga,Ispaster,Lekeitio,Markina-Xemein,Mendexa,Munitibar,Mutriku,Ondarroa,Ziortza-Bolibar

2018/04/14

Elizpe Rock jaialdia ospatu dute gaur [apirilak 14] Etxebarrian. Biren taldeagaz hasi da, 11:00etan, eta goizaldeko ordu txikiak arte musika doinuek hartu dute herri osoa. Herriko musikariez gain, eskualdeko gainerako herrietako musikariak ere protagonista izan dira gaurkoan. Eta ikusleek ere gogotik eskertu dute jaialdiak herrira ekarritakoa. Izan ere, hainbat musika estilo jotzen dituzte taldeak bertatik bertara entzuteko aukera eduki dute. Jaialdia guneka antolatuta egon denez, musika herri osora hedatu da. Hala, batzuk emanaldia eskaintzen ari ziren bitartean, beste batzuek entsegatu egiten zuten. Eguraldia lagun, giro ona izan da nagusi gaur Etxebarrian.