UKKEME koralak entzumena gozatzeko kontzertua eskaini du Mutrikun

2018/04/14

Emanaldi gehienetan egiten duten modura, Ondarroako Unanue Kamara Koraleko eta Markina-Xemeingo Emeki koraleko abeslariek osatzen duten UKKEME koralak saio bikaina eskaini du gaur [apirilak 14] Mutrikuko komentuan. Sarreran esan duten moduan, saioan sentimendu mota asko eragiteko abestiak eskaini dituzte, eta herritar askok ez dute emanaldia galdu nahi izan. Ahotsa oinarri hartuta, hainbat estiloko abestiak eskaini dituzte, tarteka pianoaz, baxuaz eta bateriaz lagunduta. Beti gertatu modura, ikuslegoak txalo zaparradarekin eskertu dio taldeari emandako kontzertua.