Euskal Erromeriak, Mutrikun eta Lekeition
Euskal Erromeriak egingo dituzte zapatuan [maiatzak 26], Lekeition eta Ondarroan. Mutrikun Gure Ametsa dantza taldeak herriko beste kultur elkarte batzuekin batera osatu du egitaraua. Lekeition, ostera, Zaletxuak taldeak antolatuta egingo da jaia.
Mutrikun aurreko urteetan baino ekintza gehiago egongo dira aurten. «Iazko Euskal Erromeria nahikoa triste geratu zela eta, aurten herriko kultur talde ezberdinekin elkarlanean osatu dugu egitaraua», azaldu dute Gure Ametsako kideek.
Bertsolariak, balkoietatik. Egitarauan agertzen ez badira ere, bertsolariek ere parte hartuko dute Mutrikun. «Eguerdian dantzariok egiten dugun kalejiran bertsolariek balkoitik balkoira abestuko dute. Dantzariok atseden hartzen dugun bitartean egingo dute bertsotan». Bazkarian 100 lagun inguru batuko direla aurreratu dute.
Mutrikun egingo duten modura, Lekeition ere musikaz girotuko dute iluntzea.
Egitarauak
- Mutriku:
- 12:00. Txistularien kalejira
- 12:30. Kalejira
- 14:30. Bazkaria, Miruaitz frontoian
- 18:00-20:00. Erromeria Joxpa talderekin, Beheko Plazan
- 20:00. Kantujira, herriko kaleetan zehar
- 23:00. Euskal kanten bertsio gaua, gaztetxean
- Lekeitio:
- 12:00. Dantzarien kalejira, Merkatu Plazan hasi eta herrian zehar, Txikirri-Txikirri taldeak girotuta
- 18:30. Erromeria Trikizio taldeagaz, plazan
- 19:30. Baigorriko Gaiteroak taldea, plazan
